Back Kepler se wette Afrikaans قوانين كبلر للحركة الكوكبية Arabic Lleis de Kepler AST Kepler qanunları Azerbaijani Законы Кеплера Byelorussian Законы Кеплера BE-X-OLD Закони на Кеплер Bulgarian কেপলারের গ্রহীয় গতিসূত্র Bengali/Bangla Keplerovi zakoni BS Lleis de Kepler Catalan
1. Zwäi ellipseförmigi Umlaufbaane, Brennpünkt F1 und F2 für e Blaneet 1, F1 und F3 für e Blaneet 2. D Sunne (sun) in F1.
2. Die bäiden graue Abschnitt A1 und A2, wo in dr gliiche Zit überstriche wärde, häi die gliichi Flechi.
3. Groossi Halbaggse a1 und a2. D Umlaufzite vo de Blaneete 1 und 2 verhalte sich wie a13/2 : a23/2.
Die drei Gsetz vom Kepler si noch em Astronom und Naturfilosof Johannes Kepler benennt. Er het die fundamentale Gsetzmäässigkäite für d Umlaufbaane vo de Blaneete um d Sunne gfunde, won er si in Bezug brocht het zun ere gsuechte Harmonik und d Abwiichige vom Mars von ere Kräisbaan mathematisch analüsiert het. D Setz beschriibe d Beweegig vo ideale Himmelskörper.
- 1. Kepler-Gsetz
- D Blaneete beweege sich uf elliptische Baane, und d Sunne stoot in äim vo de Brennpünkt.
- 2. Kepler-Gsetz
- E „Faarstraal“, wo vo dr Sunne zum Blaneet zooge wird, striicht in gliiche lange Zite über gliich groossi Flechene.
- 3. Kepler-Gsetz
- D Kwadrat vo de Umlaufzite vo zwäi Blaneete verhalte sich wie die dritte Potänze (Kub) vo de groosse Baanhalbaggse.
D Bedingige für die drei Kepler-Gsetze si underschiidlig. S zwäite Gsetz gältet für alli Zentralchreft und die müesse nit emol konservativ si, s dritte Gsetz hingeege gältet für alli -Chreft. Abwiichige vom erste Gsetz gseet mä aber scho in unserem Sunnesüsteem: Komete beweege sich hüfig uf parabeläanlige Baane, d Aggse vo dr Merkurbaan dräit sich wäge de Iiflüss vo de andere Blaneete langsam um d Sunne.
